Konsertin er fyrsta nýggjárskonsertin, har Catherine Larsen-Maguire stjórnar Føroya Symfoniorkestri.

Regin, Heiðrun og Blak
Hesa ferð hevur symfoniorkestrið boðið tónaskaldinum og klaverleikaranum Regini Guttesen heim til Føroya at spæla við orkestrinum. Symfoniorkestrið spælir tvey løg hjá Regini av fløguni Momento, sum varð útgivin í 2016. Kristian Blak hevur skrivað verk fyri orkestur og violin til nýggjárskonsertina, og verður tað Heiðrun Petersen, sum frumframførir nýggja verkið hjá Kristiani Blak.

Føroya fólk hevur eitt stórt hjarta fyri kórsangi, og tað verður ikki betri, tá kór og symfoniorkestur framføra.

Vit gleða okkum til tvey fantastisk kvøld saman við tykkum, og ja, sjálvandi bjóða vit kransakøku og eitt glas í steðginum – “same procedure as every year, James.” Catherine Larsen-Maguire stjórnar Føroya Symfoniorkestri, og Tóra Vestergaard venur kórið.

Konsertin verður send beinleiðis í Kringvarpi Føroya leygarkvøldið 9. januar 2027.

Dyrnar í salinum lata upp kl. 19.00. Konsertin byrjar kl. 19.30.

Tíðspunkt
Frí. 8.januar 2027, kl. 19.00
Ley. 9.januar 2027, kl. 19.00

Longd
120 min (íroknað steðg)

Høli
Stórhøll

Atgongumerkir
Norðurlandahúsið – Nýggjárskonsertin 2026

Føroya størsta jólaorkestur framførir fantastiskar jólatónar, og bæði føroyskur og útlendskur jólatónleikur er á skrá.

Vanliga er stórur eftirspurningur eftir hesum familjukonsertum, so aftur í ár eru fýra konsertir settar á skrá – tvær leygardag og tvær sunnudag.

Jóla- og familjukonsertin er í samstarvi við Føroya Musikkskúlaskipan. Her fáa musikkskúlanæmingar høvi at royna seg saman við teimum bestu tónleikarunum í landinum.

Solistar
Solistar hesa ferð eru Sólja Rye, ið spælir violin, og Ásgerð Stenberg Olsen, ið spælir tvørfloytu. Tær báðar framføra ávikavist Méditation og Romance in Db eftir fronsku tónaskøldini Jules Messenet og Camille Saint-Saëns.

Stórt barna- og ungdómskór
Barna- og ungdómskórini, sum luttaka á konsertini í ár, eru Stella og Ungdómskórið úr Tórshavnar Musikkskúla, Barnakórið í Musikkskúlanum í Vágum og Barnakórið í Nes Sóknar Musikkskúla. Sangararnir eru millum 9 og 16 ár, og tey syngja kend føroysk jólaløg.

Kórleiðarar eru Edith Dahl Jakobsen, Katrin á Borg Johannesen, Joanna Johansen, Ásbjørn Berthelsen og Sigrið Sivertsen.

Hjartaliga vælkomin til hugnaliga jólakonsert.

Dirigentur: Catherine Larsen-Maguire

Solistar: Sólja Rye, violin, og Ásgerð Stenberg Olsen, tvørfloyta

Ley. 5.desember 2026, kl. 14.00
Ley. 5.desember 2026, kl. 16.00
Sun. 6. desember 2026, kl. 14.00
Sun. 6. desember 2026, kl. 16.00

Keyp atgongumerkir her:
Norðurlandahúsið – Jóla- og Familjukonsertin 2025